---
title: "വെങ്ങപ്പറ്റ ഗവ. ഹൈസ്‌കൂളില്‍ സ്‌കൂള്‍ കലോത്സവം ലൂമിനാര 2K26 ന് തുടക്കമായി"
english_title: "Vengappatta Government High School Kalolsavam Luminara 2K26 Started"
publisher: "perambranews.in"
canonical_url: "https://perambra.truevisionnews.com/news/384148/ vengappatta-govt-high-school-kalolsavam-luminara-2k26-started"
published_at: "2026-09-25T14:18:00+05:30"
category: "Obituary"
language: "ml"
image: "https://cf.zdn.im/img/truevisionnews.com/0/image-uploads/6ab6477ddf972_fre.jpg"
keywords: ["Vengappatta Govt High School", "School Kalolsavam", "Luminara 2K26", "School News", "Arts Festival"]
---

# വെങ്ങപ്പറ്റ ഗവ. ഹൈസ്‌കൂളില്‍ സ്‌കൂള്‍ കലോത്സവം ലൂമിനാര 2K26 ന് തുടക്കമായി

> **Lead Summary:** വെങ്ങപ്പറ്റ: വെങ്ങപ്പറ്റ ഗവ. ഹൈസ്‌കൂളില്‍ സ്‌കൂള്‍ കലോത്സവം ലൂമിനാര 2K26 ന് തുടക്കമായി. രണ്ട് ദിവസങ്ങളിലായി നടക്കുന്ന കൗമാര കലാമാമാങ്കത്തിനാണ് തുടക്കമായത്.

## Article Content

വെങ്ങപ്പറ്റ: വെങ്ങപ്പറ്റ ഗവ. ഹൈസ്‌കൂളില്‍ സ്‌കൂള്‍ കലോത്സവം ലൂമിനാര 2K26 ന് തുടക്കമായി. രണ്ട് ദിവസങ്ങളിലായി നടക്കുന്ന കൗമാര കലാമാമാങ്കത്തിനാണ് തുടക്കമായത്.

വാര്‍ഡ് അംഗം ധന്യ രമേശന്റെ അധ്യക്ഷതയില്‍ ചേര്‍ന്ന ചടങ്ങില്‍ ജില്ലാ പഞ്ചായത്ത് അംഗം ഡോ. കെ.കെ ഹനീഫ കലോത്സവം ഉദ്ഘാടനം ചെയ്തു. സ്‌കൂള്‍ അങ്കണത്തില്‍ നടന്ന ഉദ്ഘാടന ചടങ്ങില്‍ നിരവധി പേര്‍ പങ്കെടുത്തു. പിടിഎ പ്രസിഡന്റ് എം രജീഷ് ചടങ്ങില്‍ സംസാരിച്ചു. എസ്എംസി ചെയര്‍മാന്‍ പി. സന്തോഷ്, എംപിടിഎ പ്രസിഡന്റ് അനുപമ എന്നിവര്‍ ചടങ്ങില്‍ സംസാരിച്ചു.

കലോത്സവ കണ്‍വീനര്‍ ഹരിപ്രിയ ചടങ്ങില്‍ നന്ദി പറഞ്ഞു. രണ്ട് ദിവസങ്ങളിലായി നടക്കുന്ന കലോത്സവത്തില്‍ വിവിധ കലാപരിപാടികളാണ് വിദ്യാര്‍ത്ഥികള്‍ക്കായി ഒരുക്കിയിരിക്കുന്നത്.

വിദ്യാര്‍ത്ഥികളുടെ കലാപരമായ കഴിവുകള്‍ പ്രോത്സാഹിപ്പിക്കുന്നതിനും അവരുടെ സര്‍ഗാത്മകത വികസിപ്പിക്കുന്നതിനുമായാണ് ലൂമിനാര 2K26 എന്ന പേരില്‍ കലോത്സവം സംഘടിപ്പിച്ചിരിക്കുന്നത്. കലോത്സവത്തിന്റെ വിജയത്തിനായി അധ്യാപകരും പി.ടി.എ അംഗങ്ങളും വിദ്യാര്‍ത്ഥികളും ചേര്‍ന്ന് വിപുലമായ ഒരുക്കങ്ങളാണ് നടത്തിയിരിക്കുന്നത് എന്ന് സംഘാടകര്‍ അറിയിച്ചു.

### Related Links & Sources
- [Original Story Source](https://perambra.truevisionnews.com/news/384148/ vengappatta-govt-high-school-kalolsavam-luminara-2k26-started)